د. مەحمود سەریعولقەلەم January 20, 2014
وەرگێڕان: کاروان کەریمخان
407 وشە، ماوە بۆ خوێندنەوە 12 خولەک
1- لە ڕۆژدا لانی کەم جارێک بڵێی "من نازانم"؛
2- کەمتر داواکاری لە خەڵک هەبێت و زیاتر پشت بە تێکۆشان، بیر، بەرنامەڕێژی و ماندووبوونی خۆی ببەستێت؛
3- لەو بابەتانەی کە زانیارییەکی گشتی هەیە، بۆچوونی خۆی نەڵێت؛
4- کەڵکەڵی سەرەکی ژیانی ئەو، باشترین کارکرد بێت لە پیشەکەیدا؛
5- پێشوازی لە کەسێک بکات کە جیاوازی یان تەنانەت دژەبیری ئەوە؛
6- بەبێ ڕێپێدانی پێشتر لە لایەن کەسێک، قسەی ئەو بۆ کەسێکی دیکە نەگێڕێتەوە؛
7- لە ئۆتۆمبێل زبڵ فڕێ نەداتە دەرەوە؛
8- بە ڕەچاوکردنی پیتی زیادە و بەو پەڕی وردبینی، قسەیەک بگێرێتەوە؛
9- بەردەوام لە گۆڕان و باشتربوون دابێت، بە جۆرێک کە دەوروبەری ئەو هەست بە گۆڕانەکەی بکەن؛
10- ڕاستەوخۆ یا ناڕاستەوخۆ، خۆی لە ڕاکێشانی خەڵک بۆ لای خۆی یان بۆ سەر بیروڕای خۆی بپارێزێت؛
11-بۆ لێڕەوار، کە تێکەڵی تەم و مژ و نمەنمی باران و ڕەنگە زیندووەکانی سروشت بووە، کات دابنێت؛
12-ئەو توانایە لە خۆیدا دروست بکات کە بەرپەرچدانەوە بە خەڵک تاکو پێنج ساڵیش دوا بخات؛
13- نزیکەی سەدا 10ی کات، وزە و پسپۆڕیی خۆی بەخۆڕایی بۆ کۆمەڵگا تەرخان بکات؛
14- لەو پیشەیەی کە پسپۆڕیی تێدا نیە بەرپرسیارێتی وەرنەگرێت؛
15- خۆشبەختی لەگەڵ ئاسوودەیی و مەسرەفگەرایی یەکسان نەکات؛
16- هەر دوو ساڵ جارێک، بە هەڵسەنگاندنی کار و ڕەفتارەکانی پەی بە هەڵەکانی رابردووی ببات و خۆی چاک بکات؛
17- بە ڕستەی "من هەڵەم کرد" بگاتە ئاشتییەکی بەردەوام؛
18- سنووری هاوڵاتیان بپارێزێت: لە نۆرە، بانک، پارک کردن، نەزاکەتی گشتی، ڕێبواری پیادە، ئاخاوتنی ئارام؛
19- ئەوەندەی کات بۆ هێزی فکری و روحی خۆی دانابێت تاکو پێویستی بوونی پەسن و پێهەڵگوتنی خەڵک لە ماوەیەکی پێنج ساڵەدا بگەیێنێتە خاڵی سفڕ؛
20- لە چوونە شانۆ وەک سەرچاوەیەک بۆ گەشە و پشکوتنی خۆی کەلک وەربگرێت، چونکە شانۆ بەهێزترین نیمایشی توانای مرۆڤە؛
21- لە هەر جۆرە بڕیاردانێک، هەر لە کڕینی سەرپایە تا پرسی جددی پیشەیی، ڕێگە جیاوازەکان بنووسێتەوە، بیانخوێنێتەوە، ڕاوێژ بکات و بە وردبینییەکی 90 لەسەدی بگاتە دەرئەنجام؛
22- بە کرداری خۆی، بە خەڵک بڵێ کە جیاوازی نێوان هەشت لەگەڵ هەشت و یەک خولەک دەزانێت؛
23- لە ڕۆژێکدا لانی کەم سوپاسی پێنج کەس بکات: لەبەر نەزاکەت، ئاکار، زانست و خووەکانیان؛
24- پێش دادوەری کردن لەبارەی کەسێک، لانی کەم 10 سعات لەگەڵ ئەو ڕووبەڕووبوونەوەی فکری ساز بکات تاکوو بە جیهانی ئەو ئاشنا بێت؛
25- بە توانایی، تێدابوون و باڵاتربوونی ئەوانی دیکە تێک نەچێت؛
26- لێبگەڕێ ئەوانی دیکە قسەکانی خۆیان تەواو بکەن؛
27- وەک سەرچاوەیەکی وردبوونەوە، ئارامی و خۆدۆزی سەیری مۆسیقا بکات؛
28- لانی کەم سەدا 20ی کاتی خۆی بۆ گەشەسەندنی کەسی، بیری، ئاکاری و شارستانی خۆی تەرخان بکات؛
29- لە ئاخاوتندا یەک لەسەر سێی بۆ پرسیار و دوو لە سەر سێی بۆ دادوەری بێت، دوای پێنج ساڵ، پێنج لە سەر شەشی قسەکانی بۆ پرسیار و یەک لە سەر شەشی بۆ دادوەری بێت؛
30- لانی کەم یەک سعات لە ڕۆژدا بخوێنێتەوە.
سەرچاوە: ماڵپەڕی تایبەتیی دکتۆر مەحمود سەریعولقەلەم، www.sariolghalam.com
ئەگەر نووسینەکە پەسند دەکەی، بە ئاماژە بە سەرچاوە، بۆ دۆستەکانت بنێرە
www.rojne.net